प्रतीक सानप याची नवी दिल्ली येथे राष्ट्रीय स्तरावरील थल सेना कॅम्प साठी निवड
संपादक बिपीन गायकवाड महाराष्ट्र माझा न्यूज कोपरगाव
कोपरगाव येथील एस.एस.जी.एम. महाविद्यालयातील राष्ट्रीय छात्र सेना (NCC) युनिटमधील कॅडेट सानप प्रतीक दिनकर (SYBA) याची थल सैनिक शिबिर (TSC), नवी दिल्ली येथे होणाऱ्या राष्ट्रीय स्तरावरील प्रशिक्षण शिबिरासाठी निवड झाली आहे. ही निवड NCC च्या महाराष्ट्र निदेशालयातून फक्त निवडक कॅडेट्सना मिळणारा सन्मान आहे.थल सैनिक शिबिर हे NCC च्या आर्मी विंगच्या अंतर्गत भारत भरातील सर्वोच्च आणि अत्यंत प्रतिष्ठेचे शिबिर मानले जाते. या शिबिरात नकाशा वाचन, रायफल शूटिंग, अडथळा मार्ग, फील्ड क्राफ्ट, तंबू उभारणी, आणि शिस्तबद्ध प्रशिक्षण अशा विविध कौशल्यांवर आधारित स्पर्धा घेतल्या जातात. या शिबिरात सहभागी होण्यासाठी कॅडेटने तीन टप्प्यातील कठोर पूर्व-शिबिरे (Pre-TSC Camps) यशस्वीरीत्या पूर्ण करावी लागतात.
यामध्ये प्रतीक सानप याने उत्कृष्ट शारीरिक क्षमता, नेत्रदीपक नेतृत्वगुण व शिस्तबद्ध कामगिरीद्वारे आपले स्थान निश्चित केले. या उल्लेखनीय यशाबद्दल मा. अ‍ॅड.भगीरथ शिंदे, व्हाईस चेअरमन, रयत शिक्षण संस्था, चेअरमन, महाविद्यालय विकास समिती, महाविद्यालयाचे प्राचार्य डॉ. माधव सरोदे, NCC अधिकारी,शिक्षक-शिक्षकेत्तर सेवक,महाविद्यालय विकास समिती यांच्यासह मित्र परिवाराने अभिनंदन केले आहे. तसेच ५७ महाराष्ट्र बटालियन NCC अहमदनगर चे CO कर्नल राजेश आर. यांनी विशेष अभिनंदन केले आहे. प्रतीक सानप याच्या या यशामुळे कोपरगाव शहर आणि एस.एस.जी.एम. महाविद्यालयाचे नाव उज्वल झाले असून, भविष्यात भारतीय सैन्यात भरती होण्याच्या दृष्टीने त्याने एक मजबूत पाऊल उचलले आहे. त्यासाठी पुढील वाटचालीसाठी प्रतीकला शुभेच्छा देण्यात आल्या याप्रसंगी कॉलेजचे सर्व शिक्षक शिक्षकेतर कर्मचारी उपस्थित होते.
