कोपरगांव कृषि उत्पन्न बाजार समितीच्या मौजे मोर्विस (धामोरी फाटा) या उपबाजारास मिळाली मंजूरी
संपादक बिपीन गायकवाड महाराष्ट्र माझा न्यूज कोपरगाव
कोपरगाव कृषी उत्पन्न बाजार समितीच्या मोर्विस धामोरी फाटा या उपबाजारास मान. आमदार आशुतोष दादा काळे मा.विवक भैय्या कोल्हे , चेअरमन सहकार महर्षी शंकररावजी कोल्हे सहकारी साखर कारखाना सहजानंदनगर, राजेश आबा परजणे,अध्यक्ष, नामदेवरावजी (आण्णा) परजणे पाटील गोदावरी खोरे सहकारी दूध उत्पादक संघ, सहजानंदनगर तसेच मा. नितीनराव औताडे,चेअरमन, पोहेगांव नागरी पतसंस्था यांचे प्रयत्नातून शासनाची मंजुरी मिळाली आहे. याबाबत सविस्तर वृत्त असे की कोपरगांव कृषि उत्पन्न बाजार समितीचे कार्यक्षेत्रात रवंदे, मोर्विस, धामोरी, चास, कोळपेवाडी या २० ते २५ गावांच्या परिसरात कांदा, भुसार व टोमॅटो या शेतीमालाचे उत्पादन मोठ्या प्रमाणात घेतले जाते. परंतु तेथील शेतक-यांना त्यांचा शेतमाल विक्री साठी जवळ बाजारपेठ नसल्यामळे शेतमाल विक्रीसाठी त्यांना २५ ते ३० किलोमीटर अंतरावर असलेल्या मार्केटवर जावे लागते. त्यामुळे शेतक- यांचा वाहतुक खर्च वाढतो व त्यांचा वेळही वाया जातो. याचा गैरफायदा घेऊन या परिसरात बाहेरील व्यापारी सोयाबीन, गहु, मका, कांदा काढण्याच्या वेळी शेतक-यांच्या वजन मापात १ ते २ किलोचा नियमबाह्य काटला घेतात. शेतक-यांची भावात व पेमेंटमध्ये ब-याच वेळा फसवणुक केली जाते. परिसरातील शेतक-यांची वजनमापाची व भावाची फसवणुक टाळण्यासाठी कृषि उत्पन्न बाजार समितीचे संचालकमंडळाने निर्णय घेऊन मौजे मोर्विस (धामोरी फाटा) ता. कोपरगांव या ठिकाणी उपबाजार सुरू करणेसाठी शासनास प्रस्ताव पाठवला होता. सदर ठिकाणी उपबाजार सुरू करण्यास शासनाने परवानगी दिल्याची माहिती बाजार समितीचे सभापती साहेबराव पा.रोहोम व उपसभापती गोवर्धन पा. परजणे यांनी दिली आहे. त्यामुळे परिसरातील शेतक-यांना व व्यापा-यांना शेतमाल खरेदी विक्रीस आणण्यासाठी अंतर कमी होवुन त्यांच्या वेळेत व खर्चात बचत होईन, तसेच परिसरातील शेतमाल खरेदी विक्रीचे अनधीकृत व्यवहारास प्रतीबंध बसेल. मौजे मोर्विस (धामोरी फाटा) उपबाजाराचे ठिकाण हायवे लगत असल्याने उपबाजारामध्ये शेतक-यांना शेतमाल आणणे सोईचे होईल. शेतक-यांची उपबाजार सुरू करण्याची मागणी पुर्ण झालेली असून याचा फायदा शेतक-यांना होणार आहे. यामुळे परिसरातील शेतक-यांना शासनाच्या विविध योजनांचा लाभ घेता येईल.सदर उपबाजाराच्या आवाराचे उद्घाटन लवकरात लवकर होणार आहे.उपबाजार आवार मोर्विस (धामोरी फाटा) ता.कोपरगांव या ठिकाणी बाजार समितीला कांदा, भुसार व टोमॅटो या शेतीमालाचे लिलावाचे कामकाज सुरू करायचे असुनम खरेदीदार व आडते व्यापारी यांना व्यापाराच्या परवान्यासाठी बाजार समितीच्या अटी व शर्तीनुसार नविन आडते व खरेदीदारा साठी लायसेन्स द्यावयाचे असुन त्यासाठी इच्छुक / उत्सुक असणा-या व्यापारी बांधवांनी कृषि उत्पन्न बाजार समिती, कोपरगांव ता. कोपरगांव जि. अहिल्यानगरच्या मुख्य कार्यालयात नवीन लायसेन्स मिळणे बाबत लवकरात लवकर संपर्क साधावा असे आवाहन बाजार समितीचे सचिव नानासाहेब रणशुर यांनी केले आहे.
