संजीवनी इंजिनिअरींग कॉलेजला उत्कृष्ट क्रीडा महाविद्यालय पुरस्कार
संपादक बिपीन गायकवाड महाराष्ट्र माझा न्यूज कोपरगाव
सावित्रीबाई फुले पुणे विद्यापीठ अंतर्गत अहिल्यानगर जिल्हा क्रीडा समितीने संजीवनी इंजिनिअरींग कॉलेजची शैक्षणिक वर्ष २०२४-२५ मध्ये क्रीडा क्षेत्रात केलेली उल्लेखनीय व प्रेरणादायी कामगिरी लक्षात घेवुन व्यावसायिक महाविद्यालय गटात ‘उत्कृष्ट क्रीडा महाविद्यालय’ पुरस्कार देवुन समारंभपूर्वक गौरविले. अहिल्यानगर जिल्ह्यातील सुमारे ५० विविध व्यावसायिक शिक्षण संस्थामधुन हा उत्कृष्टतेचा पुरस्कार मिळाल्याने संजीवनी इंजिनिअरींग कॉलेजचा शैक्षणिक गुणवत्ते बरोबरच क्रीडा क्षेत्रातही दबदबा आहे, ही बाब अधोरेखित झाली आहे,
अशी माहिती महाविद्यालयाने प्रसिध्दी पत्रकाद्वारे दिली आहे.सावित्रीबाई फुले पुणे विद्यापीठ क्रीडा मंडळाचे संचालक डॉ. सुदाम शेळके, सिनेट सदस्य डॉ. रमेश गायकवाड, अहिल्यानगर जिल्हा क्रीडा समितीचे अध्यक्ष डॉ. तानाजी जाधव, सचिव डॉ. राजेंद्रकुमार देवकाते यांचे हस्ते संजीवनी इंजिनिअरीग कॉलेजचे प्रतिनिधी डॉ. डी. बी. क्षिरसागर, डॉ. गणेश नरोडे व शिवराज पाळणे यांनी हा पुरस्कार अहिल्यानगर येथे स्वीकारला.संजीवनीचे अध्यक्ष नितिनदादा कोल्हे व मॅनेजिंग ट्रस्टी अमित कोल्हे यांनी महाविद्यालयाचे डायरेक्टर डॉ. एम. व्ही. नागरहल्ली, सर्व क्रीडा शिक्षक व सर्व खेळाडूंचे अभिनंदन केले आहे.
