कोपरगावकरांनी घेतला संस्कृत संभाषण प्रशिक्षणाचा मनसोक्त आनंद
संपादक बिपीन गायकवाड महाराष्ट्र माझा न्यूज कोपरगाव
कोपरगाव शहरातील विद्याप्रबोधिनी (शिशु विकास मंदिर) या शाळेत १ जुलै ते १० जुलै दरम्यान संस्कृत संभाषण मोफत शिबिर अत्यंत उत्साहात संपन्न झाले. खऱ्या अर्थाने कोपरगांव येथे प्रथमच संस्कृत भारती मार्फत शिबिराचे आयोजन करण्यात आले होते.या शिबिराचा समारोप समारंभ नुकताच आयोजित करण्यात आला होता याप्रसंगी भारतमातेचे पुजन करून ध्येयमंत्राचे गायन करण्यात आले.याकार्यक्रमा साठी प्रमुख पाहुणे म्हणुन तालुका संघचालक सुरेश विसपुते, तालुका कार्यवाह निलेश जाधव, संस्कृत भारतीचे कल्पेश येवला हे याप्रसंगी उपस्थित होते.तेव्हा संस्कृत शिबिराचे शिक्षक मयुर कुलकर्णी यांनी संस्कृत शिक्षणाची आवश्यकता स्पष्ट करुन दर महिन्यात एक संभाषण शिबिर आयोजित करण्याचा मानस यावेळी बोलून दाखवला यावेळी उपस्थित सर्वांनीच सदरच्या प्रस्तावास त्वरित अनुमोदन दिले. सदर शिबिरातील सहशिक्षिका अनिता माळी यांनी पत्रद्वारा संस्कृत शिक्षण, गीतासोपान आणि बालकेंद्र या वर्गांबद्दल उपस्थितांना माहिती दिली. या प्रसंगी तालुका संघचालक सुरेश विसपुते,तालुका कार्यवाह निलेश जाधव यांनी आपले मनोगत व्यक्त केले.याशिबिरात सहभागी मध्ये प्रातिनिधिक स्वरुपात भक्ती काले,वृषाली कुलकर्णी,स्मिता पोळ,दगु दरेकर यांचे सह वर्गातील विद्यार्थ्यांनी संस्कृत मधुन आपले मनोगत व्यक्त केले.याकार्यक्रमाचे सूत्रसंचालन सहशिक्षिका अनिता माळी यांनी केले तर आभार स्वच्छतादूत सुशांत घोडके यांनी मानले. एकात्मता मंत्राने कार्यक्रमाचा समारोप झाला.
