काकडी येथील दुहेरी हत्याकांडातील दोन्ही आरोपी जेरबंद

संपादक बिपीन गायकवाड महाराष्ट्र माझा न्यूज कोपरगाव 

याबाबत सविस्तर वृत्त असे की दिनांक ०४/०४/२०२५ रोजी रात्री साहेबराव पोपट भोसले, रा.दिघे वस्ती, पिंप्री रोड, काकडी ता.राहाता यांचे राहते घरी अज्ञात आरोपींनी जबरी चोरी करण्याच्या उद्देशाने कोणत्या तरी प्राणघातक हत्यारांनी कृष्णा साहेबराव भोसले, वय ३० व साहेबराव पोपट भोसले, वय ६० यांना जीवे ठार मारून तसेच साकरबाई साहेबराव भोसले, वय ५५ सर्व रा.दिघे वस्ती, पिंप्री रोड, काकडी ता. राहाता यांना गंभीर जखमी करून मोटार सायकल व मोबाईल चोरून नेला. याबाबत राहाता पोलीस स्टेशन गुरनं १७१/२०२५ बीएनएस २०२३ कलम १०३ (१), १०९ (१), ३११, ३३१ (८) प्रमाणे गुन्हा दाखल आहे.
काकडी,ता.राहाता येथे घडलेल्या गंभीर स्वरूपाच्या गुन्हयांची माहिती मिळाल्यानंतर तात्काळ अहिल्यानगरचे पोलीस अधीक्षक राकेश ओला, श्रीरामपूरचे अप्पर पोलीस अधीक्षक वैभव कलुबमें, शिर्डी विभागाचे उपविभागीय पोलिस अधिकारी शिरीष वमने,यांनी तात्काळ घटना ठिकाणी भेट देऊन, गुन्हा उघडकीस आणण्याबाबत अहिल्यानगरच्या स्थानिक गुन्हे शाखा यांना गुन्हा उघडकीस आणणेबाबत सुचना देऊन समांतर तपास करणेबाबत आदेशीत केले. वरील नमुद आदेशा प्रमाणे पो.नि.दिनेश आहेर,यांनी स्थानिक गुन्हे शाखेतील सपोनि हेमंत थोरात, पोसई तुषार धाकराव,अनंत सालगुडे व पोलीस अंमलदार दत्तात्रय हिंगडे, बापुसाहेब फोलाणे, ज्ञानेश्वर शिंदे, गणेश भिंगारदे, फुरकान शेख, गणेश लोंढे, संदीप दरंदले, अमृत आढाव, प्रमोद जाधव, जालींदर माने, बाळासाहेब खेडकर, रमीजराजा आत्तार, अमोल कोतकर, भाऊसाहेब काळे, प्रशांत राठोड, भगवान थोरात, सुनील मालणकर, बाळासाहेब गुंजाळ, अरूण मोरे, उमाकांत गावडे व चंद्रकांत कुसळकर अशांचे तीन पथक तयार करून, पथकास गुन्ह्यातील आरोपींचीच्या शोध घेणे कामी रवना करण्यात आले त्या अनुषंगाने दि.०५/०४/२०२५ रोजी तपास पथके तांत्रीक विश्लेषण व बातमीदाराच्या आधारे गुन्हयाचा तपास करत असताना सदरचा गुन्हा करणारे दोन संशयीत इसम हे टेम्पो मधुन सिन्नर मार्गे नाशिककडे जात असले बाबत खात्रीशीर माहिती मिळाली. पथकातील पोलीस अधिकारी व अंमलदार यांनी मिळालेल्या माहितीवरून पळशी टोलनाका,सिन्नर जि.नाशिक येथे सापळा रचुन संशयीत इसमांचा शोध घेऊन

एका टेम्पोमध्ये पाठीमागील बाजुस बसलेले संशयीत दोन इसम संदीप रामदास दहाबाड, वय १८, वर्ष तर दुसरा जगन काशिनाथ किरकिरे, वय २५ दोघे रा.तेलीम्बरपाडा,ता. मोखाडा,जि. पालघर या दोघांना ताबडतोब ताब्यात घेतले.ताब्यात घेण्यात आलेल्या आरोपींना विश्वासात घेऊन गुन्हयाचे अनुषंगाने विचारपूस केली असता संदीप रामदास दहावाड याने त्याचे साथीदारासह रात्री १२.३० वा. सुमारास काकडी विमानतळ परिसरामधील एका घरामध्ये जाऊन दोन तीन जणांना लाकडी दांडक्याने व फावडयाने मारहाण केली व चोरी केल्यानंतर पळून जात असले बाबत माहिती सांगीतली. ताब्यात घेण्यात आरोपी नामे १) संदीप रामदास दहाबाड, २) जगन काशिनाथ किरकिरे या दोघांना गुन्ह्याच्या तपासकामी राहाता पोलीस स्टेशनला हजर करण्यात आले असुन पुढील तपास राहाता पोलीस ठाणे हे करीत आहे. या तपास पथकास संशयीत आरोपीतांचा शोध घेणेकामी सिन्नर पोलीस स्टेशनचे पोलीस निरीक्षक संभाजी गायकवाड व सिन्नर पोलीस स्टेशनचे पोलीस अंमलदार यांनी योग्य ती मदत केली आहे.